Next Time промовираа нов албум "На крајот од денот"

...

ФОТО: Промоција на албум и честитки за роденден - Некст Тајм повторно во свој стил



Над 500 гости, колеги, фанови, јавни личности, претставници на медиумите и пријатели, вчеравечер во хотелот Александар Палас едногласно ја пееја роденденската Happy Birthday на момците од Некст Тајм кои промовирајќи го нивниот втор албум насловен „На крајот од денот“ го прославија својот 25-ти роденден.

На огромната сцена која што беше поставена во салата на Александар Палас, Марко од Тротоар во свој стил ги најави момците кои на присутните им подарија мини концерт изведувајќи во живо со бенд неколку песни од новиот албум, а вистинско изненадување беше кога на сцената се појави и Тони Зен со кого тие за прв пат го изведоа новиот дует „Рап&Рол“ кој што се наоѓа на албумот „На крајот од денот“.

„ Ви благодариме што сте секогаш со нас и за поддршката која ни ја давате. Работевме напорно, секоја песна од новиот албум е создавана со многу љубов и душа во неа, се надеваме дека тоа ќе го слушнете и ќе го препознаете, преслушувајќи ги нашите нови песни. Нема поубав начин од овој за да го прославите нашиот роденден, со сите вас присутни и со нов албум“ - изјавија Мартин и Стефан.



Албумот „На крајот од денот“ содржи 12 композиции, од кои шест се комплетно нови, нечуени досега, а шест од нив веќе добија и видео записи - „Нешто што ќе остане“, „ На крајот од денот“, „ Рамо за плачење“, „ Убава“, „Кога лажеш каде гледаш“ и „ Недостајеш ми веч“,

Целиот албум е продуциран од Лазар Цветкоски, а две песни се во продукција на Дарко Тасев. Четири од дванаесетте композиции се авторско дело на браќата од Некст Тајм , а зад осум текстови се потпишува помалиот близнак Стефан Филиповски.

Јавните личности и колеги меѓу кои беа: Тони Зен, Тамара Тодевска, Браќата Тавитјан, Лозано, Дарко Илиевски, Александар Белов, Лазар и Магдалена Цветкоски, Даниел Данн, Мартин Србиновски, заменикот Амбасадор на Р. Словенија, директорот на „Златно Славејче“ Бобан Јосифовски, појавувајќи се на промоцијата на големото невреме им укажаа голема чест на Некст Тајм, а најголемите фанови на Мартин и Стефан имаа многу подароци за нив, овој пат роденденски.



Крајот на промоцијата беше крунисан со шампањ за Некст Тајм и две роденденски торти, од кои едната беше од нивните девојки.









http://tocka.com.mk/index19.php?ID=50437